進化日記(二)

昨天去見牙醫，本來沒想過拆attachment 的，但當時醫生未到和護士閒聊，說起2月和3月會拍婚照，唔知拆唔拆粒粒去影相好，因為擔心拆粒粒會減少拉力影響進度。

護士聽到我準備拍婚照和結婚就說，一定要靚到底緊係要拆啦。再看看我的第一批箍完成超過了一半，告訴我不用擔心現在拍婚照拆粒粒後要再加粒粒，然後結婚前又拆粒粒好煩，她說等結完婚應該剛好造好新一批箍，到時才加新的粒粒，時間剛好呀。

反正她都不怕麻煩，咁當然就拆啦。波波牙醫入房聽到我要影婚照所以要拆粒粒，好快手幫我拆掉上下排牙前面的粒粒，過程好輕鬆呀，他退場前對護士說，俾美白牙貼佢啦。聽到個下好感動，覺得波波牙醫好貼心，知道我要影婚照，連短暫美白牙齒都幫我諗埋，太開心了。

男人知道我拿了美白牙貼，不停說，你d牙都唔黄，不如分幾張佢用。哈哈。

進度照又來了，又經過了4個月，已到完成了23個箍﹐上排下陷的小門牙又跑出來一點了，而下排幾乎已經完全排齊了，上次飯聚姐夫有說我牙齒很整齊，以為我已完成了箍牙，親，箍牙這條路現在才走了三份一，還有漫漫長路呀。

好喜歡這種慢慢的慢慢的小進步，去年好堅持好堅持戴牙箍，每日真的都有戴足22小時，有時甚至超過。今年也要堅持呀。