香港人

昨天晚上，在金鐘現場聽林先生一席話，勝讀十年書。個人認為，無關政治立場，無關支持與不支持警察執法，無關反不反暴力，這一段話是關於『做人』，而且是你要做個怎樣的人。

群星合唱、為我城打氣的《撐起雨傘》填詞人林夕，今晚亦有到政總，穿上黑衣的他上台謂:「喺呢個關頭，冇人有條件害怕! 」仲話:「有人躓我食糞便，我係咪食住先？」

林夕謂：「你問我怕唔怕，我怕，因為我都係一個普通人。如果呢個關頭恐懼，我哋將來就要面對更大嘅恐懼；（現在）我諗我哋冇人有條件害怕。寫呢首歌係咪冇用呢？689話，我哋做嘅一切都係徒勞無功。」

「我計過，我哋人生要有好多路走，好多選擇，但唯一不變就係，我哋會走向死亡之路，咁我哋係咪人都唔做呢？可能我哋爭取理想普選方案，都係徒勞無功，但係我唔相信……生而為人，應該相信自己嘅一言一語，其實都係播緊種子。」

平時說話不多的夕爺，還說:「香港以前嘅價值觀，成功人士唔係有錢就有權；我自己嘅標準，係善良、正直、光明磊落、問心無愧，呢個就係一個成功嘅香港人。呢個你有得揀……我會揀喊得理直氣壯，好過笑得鬼鬼崇崇，問心有愧。」

文章轉載自蘋果日報︰http://hk.apple.nextmedia.com/enews/realtime/20141004/52980170

最近聽最多的勸告是，唔好搞事最緊要有飯開買到樓同揾到錢，我做人貪心少少，係有飯開既層面之上我仲想要人格，良心同自由。你唔需要去認同林先生，亦唔需要去認同我，只需要諗清楚，到底，你想成為怎樣的香港人。